Vaksenopplæring

Me tilbyr gratis opplæring i faga du treng for å få generell studiekompetanse. Faga er fordelt over 2 år.

Fagtilbodet kan endre seg når me ser kva behov du som søkar har. Søk derfor så snart du kan og gi opp kva fag du treng.

Undervisninga vil foregå på dagtid, fordelt på 4 dagar. 

Skuleåret 2026-27 tilbyr me:

• Naturfag (2 økter per veke)
• Matematikk 1P/2P (3 økter per veke)
• Norsk (6 økter per veke)

Ei økt varer i 70 minutt, i tillegg vil det og bli nokre fagdagar (fredagar 4 økter).

Me tek atterhald om endringar og tal på søkjarar.

Informasjon om timeplan kjem på nettsida før skulestart.

Oppstart 

Startar: September
Omfang: 2-4 dagar avhengig av kor mange fag du skal ta
Stad: Stord vgs, Saghaugen
Tidsramme: 8.00 til 15.00 (dagtid).

Me tilbyr generell studiekompetanse over to år, noko som gir redusert studiebelasting. Kvart studiekompetansefagfag kan gå over 1-3 dagar avhengig av timetal.

Dersom du likevel vil søke om å ta alle faga på eitt år må du rekne med full studiebelasting 5 dagar i veka.

Språktest

All undervisning er på norsk og me tilrår nivå B1 før du startar. Er du minoritetsspråkleg vil vi kalle deg inn til språktest før du får plass.

Spør oss

Dersom du har spørsmål om vidaregåande opplæring for vaksne kan du kontakte oss på e-post

Du kan og ta kontakt med rettleiingstensta i Vestland Sør

Me tilbyr opplæring i helsearbeidarfaget - modulstrukturert opplæring for vaksne (MFY-Helsefag).  Opplæringa skjer gjennom teori og praksis, ein legg opp til at hovuddelen av opplæringa skjer gjennom praksis. Du vil ha tre dagar praksis  og to dagar teori i veka. Nokre veker vil det vera undervisning  på fredagar (fagdagar).  Teoriundervisninga går føre seg i tidspunktet mellom kl. 08.00 og 15.00.

Tid og stad for oppstart

• Du vil få innkallingsbrev med informasjon i god tid før oppstart. 
• Tilbodet startar opp tidleg i september kvart år. 
• Stad: Stord vgs, adresse Saghaugen 3
• Du kan søkje deg inn til tilbodet etter at det har starta (kontiuerleg inntak)

Modulbasert helsearbeidarfag inneheld 4 modular

• • Grunnleggjande sjukepleie
  • Profesjonalitet i helsearbeidarfaget
  • Livskvalitet og helsekompetanse
  • Rehabilitering, habilitering og kvardagsmeistring

Fellesfag

• • Modul i norsk og samfunnskunnskap 

Lenke til læreplanane 

Innhald i opplæringa

Målet er at opplæringa skal gjere deg til ein yrkesutøvar som kan bidra til å dekke behovet for kompetanse i grunnleggjande sjukepleie og miljøarbeid i alle deler av helsetenesta. Opplæringa handlar om å kunne gi helsehjelp, førebyggje einsemd og bidra til eit aktivt liv for pasientar og brukarar. Vidare skal m.a. faget bidra til å utvikle deg som ein profesjonell yrkesutøvar med empati og evne og vilje til å yte heilskapleg omsorg og kunne samhandle med menneske med ulike hjelpebehov. Opplæringa har som mål å føre deg fram mot eit fagbrev. 

Du vil bli realkompetansevurdert før eller tidleg i oppstarten. Vurderinga dannar grunnlag for opplæringsløpet ditt, og du vil få ei kontrakt som seier noko om forventa opplæringstid. Dersom du har jobba ein del innan helsefag, vil opplæringa byggje på den kompetansen du har med deg, og gjerne opplæringstida di kan bli nedkorta i høve til ein deltakar som gjerne ikkje har erfaring. Utdanninga er komprimert, og krev at du som deltakar arbeider med fagstoff og kompetansemål utanom skule. Forventa opplæringstid kan bli justert undervegs i opplæringsløpet.  

Hovudopplæringa skjer i tett samarbeid med praksisbedrifta di. Teori og praksis går hand i hand, og det blir sett av god tid til refleksjonar og erfaringsdeling på skulen. Når du har fått vurdering i modulane, vil me føreslå at du melder deg opp til privatisteksamen i helsefag (HEA 3102). Dette er ein 5-timars skriftleg eksamen, på norsk. Eksamenen blir gjennomført to gonger i året, ein gong på våren og ein gong på hausten. 

Når du har fått vurdering i alle modulane, og bestått eksamen, kan du melde deg opp til fagprøve.  

Språktest og pc

All undervisning er på norsk og me tilrår sterkt at du har nivå B1 før du startar. Språknivået ditt kan påvirka opplæringstida di, me ser at nokre treng lenger tid å tilegna seg og dokumentera kompetanse i faget på grunn av språknivå. Du vil eventuelt få fullføre utdanninga di om du har lågt språknivå, men opplælringstida di vil ikkje vere ferdig før du kan dokumentere kompetansen i dei ulike modulane.

Undervisninga er delvis digital, og krev og at du har grunnleggjande kunnskapar om bruk av pc. Me nyttar Itslearning som læringsplatform,  her blir lærestoffet presentert og her har ein og kommunikasjon med lærarane. 

Spør oss

Dersom du har spørsmål kan du kontakte oss på e-post

Du kan og ta kontakt med rettleiingstensta i Vestland Sør

Her kjem praktisk informasjon om vidaregåande opplæring for vaksne ved Stord vgs.

• Brukar-ID
• Elev-pc (for vaksne)
• Elevhjelp
• Lærebøker
• Skulebibliotek
• Lånekassen
• Timeplan, karakterar og pålogging i VIS (Visma in School)
• Eksamen
• Språktest for minoritetsspråklege
• Opphaldsløyve

Brukar-ID

Vi ønsker og at alle første dag skal få registrere seg med brukar-ID for å få tilgang til timeplan og læringsverktøy på skulen. Til dette trenger du pc eller mobil.

Må ha eigen pc

Alle som tar vidaregåande opplæring må ha bærbar pc. Du kan bruke eigen pc eller kjøpe subsidiert pc gjennom innkjøpsordninga i Vestland fylkeskommune. Ordninga trer i kraft etter at du møter første skuledag.

Elevhjelp.vlfk.no

Har du problem med datamaskin eller andre digitale ting kan du få hjelp hos ikt-konsulentane. Du kan og ta kontakt dersom du har bestilt elev-pc, men ikkje fått. Du kan legge igjen ei melding på

Elevhjelp.vlfk.no

Dersom det hastar kan du ringe 53452075

Lærebøker

Du treng ikkje å kjøpa bøker når du er deltakar på våre kurs. Du får låna dei gratis gjennom skulebiblioteket. Nye elevar må signere ein elektronisk lånekontrakt for å låne bøker gjennom skulen. Til dette treng du MinID (til døme BankID på mobil eller liknande). Se bruksanvisning.

Lenke til elektronisk lånekontrakt

Slik kan du signere lånekontrakt (bruksanvisning)

Skulebibliotek

Skulebiblioteket her ved Stord vgs. finn du i kjellaren på Saghaugen. Her får du låne lærebøker og anna litteratur som kan vere av interesse. Skulebiblioteket er ope frå kl. 08.00 - 15.00 måndag til fredag.

Lånekassen

Du har sjølv ansvar for å søkja til Lånekassen. Skulen må bekrefta at du har møtt til skulestart.

VIKTIG: Hugs å skrive Stord vgs, og ikkje Stord Vaksenopplæring. Informasjon om lån og stipend for vaksne i Lånekassen.

Timeplan, karakterar og pålogging i VIS (Visma in School)

Skulen bruker eit nytt administrativt system. Her kan du mellom anna finne

• timeplan
• karakterar

Pålogging til VIS (Visma in School)

Eksamen

Les meir om standpunkt og eksamen på heimesida til Vestland fylkeskommune.

Som deltakar hos oss får du gratis eksamen.

Språktest for minoritetsspråklege

All undervisning er på norsk. Du må forstå norsk, og kunne lese, skrive og snakke norsk for å følge undervisninga. Me tilrår at du har nivå B1 før du startar.

Er du minoritetsspråkleg blir du kalla inn til språktest før inntak.

Les meir om språktest for minoritetsspråklege

Opphaldsløyve

Det er eit krav at du sender kopi av opphaldsløyve som har varigheit minst like lenge som kurset du ynskjer å delta på.