Fysikk 2-gruppa ved skulen vår var 9.–12. mars på studietur til CERN i Genève, eit av verdas leiande senter for partikkelfysikk. Her fekk dei lære kor viktig tverrfagleg samarbeid er i forskinga. Elevane besøkte både ATLAS- og CMS-områda ved den 27 km lange partikkelakseleratoren.
Gruppa som tok turen fekk omvising av forskarar og møtte fleire nordmenn som jobbar ved CERN. Dei besøkte òg Science Gateway og såg korridorane der World Wide Web blei utvikla. Turen gav eit fascinerande innblikk i moderne forsking – med litt tid til å utforske Genève som bonus.
Stord VGS takkar Breeze Ship Design for støtta som gjorde turen mogleg.