Den kulturelle skulesekken har gjort det mogleg for Marthe Wang trio å ta turen rundt på skular i Vestland. Torsdag 28.09. heldt gruppa to konsertar for elevane våre i Kulturhuset sin kinosal.
Trioen spelar ein type stemningsfulle folkpop-låtar ispedd litt jazzelement. Frontfigur Marthe Wang syng på klingande bergensk, og framførte jordnære, enkle og dels personlege tekstar. Eit artig innslag ved konserten var trommisen som på same tid trakterte trompet i tillegg til eit tangentinstrument. Imponerande.