Stord vidaregåande skule hadde førre veke besøk frå fem europeiske land i samband med Erasmus-prosjektet "Inclusion, human rights and chance for all". Omlag 30 elevar og lærarar frå samarbeidsskular i Belgia, Tsjekkia, Tyskland, Ungarn og Island var til stades
I løpet av to dagar i midten av mars var ca 30 elevar og lærarar frå ulike land i Europa på vitjing til skulen vår. I tillegg deltok ein norsk delegasjon på rundt ti personar frå utdanningsprogramma automasjon og elektro.
Programmet baud på elevpresentasjonar av mellom anna eit prosjekt som handlar om korleis ein kan byggje om og forbetre utforminga på rullestolar. Her har dei ulike landa spesifikke oppgåver dei skal løyse, som òg krev samarbeid på tvers av landegrensene.
Vidare fekk deltakarane høyre føredrag frå Funksjonshemmedes fellesorganisasjon (FFO), og om tilrettelagd opplæring og tilrettelagt arbeid. Det vart også tid til bedriftsbesøk til Sæbø gard og Podlen verkstad.
Besøket gav òg høve til kultur og opplevingar, mellom anna i den nye skeisehallen, før opphaldet vart avslutta med omvisning og middag ved Engesund visningssenter på Fitjar.
Dette var det nest siste mobilitetsbesøket i prosjektet, som starta opp hausten 2024. Den avsluttande samlinga finn stad i Tsjekkia til hausten.
Prosjektlærarane takkar for gode bidrag frå alle programområda på Vabakkjen, tilbakemeldingane frå besøket var at det hadde vore eit flott opphald på skulen vår.